جربت تحب قبل كده؟؟
يا تري موضوعك كمل ولا خلص وانتهي
ولو انت موضوعك خلص وانتهي يا تري جربت تاني
وياتري كمل ولا برضه انتهي
..
انا هاكلم الناس اللي جربت تحب وموضوعها انتهي بألم
وجربت تاني تحب وبرضه موضوعها انتهي بألم اكبر
..
اكيد فكرت كتير مع نفسك ياتري ليه
واكيد وصلت لحاجات معينه بسيطه لكن خليني اساعدك شويه انك تعرف ليه
..
انا طبعاً مش أسامه منير لكن اسمحولي اقولكم
الحب اللي بنشوفه وبنعيشه عباره عن عمله ليها وجهين
ماينفعش تكون عمله ليها وجه واحد ابداً .. مش كده؟
إيه هم الوجهين دول؟
وجه ظاهر ليك وللناس
ووجه خفي عنك وعن الناس
..
الوجه الظاهر ليك وللناس انك بتحب الشخص ده
وعايز تسعده اوي وعايز تضحي بحياتك من أجله
وللأسف الموضوع بيكون حاجه تانيه انت نفسك مش عارفها
بيكون انك انت اللي محتاج من الشخص ده الحب والإهتمام
وهو ده الوجه التاني للحب
..
تجيبله هدايا كتير وتفضل سهران بتفكر فيه
ولو شفته قلبك يدق ويبقي هايقع منك
ولو طلب منك ترمي نفسك في البحر هاترمي
لكن للأسف انت بتعمل كده علشان محتاج للشخص ده
وعايز منه مش عايز تديله بلا مقابل
عملية مقايضه
اثبتلك؟
..
تعالي معايا وتخيل انك في علاقه حب
او لو انت في علاقه حب مش هاتحتاج تتخيل
وكل يوم تتصل بالشخص اللي انت بتحبه
وتهتم بيه كل الإهتمام وهو كمان بيعمل كده معاك
ولو الشخص ده لقيت حبه ليك بعد كده قل تماماً
واهتمامه بيك شبه انعدم ياتري ده هايضايقك
ياتري هايطلع منك الكلام ده؟
انت ليه مابقيتش تهتم بي ولا تتصل بي
انا مابقيتش فارق معاك .. انا اللي بتصل وبهتم بيك علي طول
انت خلاص اتغيرت .. انت بتحب حد تاني
وتبتدي تتنرفز وتتضايق
صح؟؟
..
لأنها عملية مقايضه
بتدي عشان تاخد
بتدي حب علشان تاخد حب لأنك محتاج للحب
وبتدي اهتمام علشان تاخد اهتمام لأنك محتاج للإهتمام
واللي انت ماتعرفوش بقه
ان الشخص التاني
هو كمان
زيك بالظبط
..
هو محتاج بيديلك القليل اللي يقدر عليه علشان يشتري منك حب واهتمام ليه
وانت محتاج بتديله شويه حب واهتمام علشان يشبعك ويغرقك بالحب
انت محتاج لأنك إنسان وهو كمان محتاج .. ماهو إنسان زيك
..
مثال
اتنين ماشيين في الصحرا كل واحد معاه زمزميه ميه بس محدش عارف إيه اللي مع التاني
لكن كل واحد عارف ان اللي معاه شويه صغيرين اووووووي
فكل واحد بيدي التاني من اللي معاه بعشم ان التاني معاه كتير هايرويه ويشبعه
لكن للأسف الإتنين بيخلصوا الميه بتاعتهم ويدوروا علي الميه بره مع حد تاني
ودي اللي بيسميها العالم الخيانة
..
وده السبب في فشل زواجات كتييير جدااااااا
لأن الميه بتاعتهم خلصت علي طول
عارفين ليه؟؟
لأن مش هو ده الحب
..
عايز تعرف إيه هو الحب؟ الحب انك ماتستناش اي حاجه من اللي انت بتحبه
تقدر تعمل كده؟؟
ماتنتظرش منه اهتمام وماتنتظرش منه حب .. تديله حب كتير واهتمام كتير من غير ماتنتظر منه حاجه
طب ازاي احنا كده عندنا مشكلتين
اولا: ادي حب كتير واهتمام كتير ازاي وانا معنديش غير قليل
ثانياً: ازاي ماستناش منه حاجه وانا محتاج وعطشان وجعان
..
الحل
اولا: جرب معايا التجربه دي
هات كبايه فاضيه وهات زجاجه ميه كبييييره
وابتدي املا الكبايه ميه واحده واحده لحد ماتتملي واستمر اكتر
هاتبتدي الكبايه تكب بره .. كمل اكتر هاتكب اكتر ولو الزجاجه دي خلصت
هات واحده تانيه واملا .. البيت هايغرق وماما هاتطردك
)
كل البيت هايتملي مش الكبايه بس
تفتكر الكبايه محتاجه ميه؟؟
لا طبعاً
تفتكر الكبايه عندها مشكلها انها تملا البيت كله هو كمان
لا طبعاً
..
يبقي لازم تشوف مصدر حب يملاك لحد ما تكب بره علي الناس حب
وتبقي مليان بالحب وتدي الناس حب
تفتكر هاتكون محتاج لنقطتين الميه اللي عندها او عنده انك ترتوي بيهم
تفتكر هاتبقي منتظرهم من الشخص التاني
ما اعتقدش ابداااااا بالعكس
انت هاتفضل تديله حب حتي لو هو مايستاهلش
وهاتفضل تحبه حتي ولو هو مش بيحبك
حتي لو هو عدوك وبيكرهك
وده سر الإيه اللي بتقول احبوا اعدائكم
وده كمان سر الغفران وده سر التضحيه
انك مليان وشبعان وبتفيض حب علي كل الناس
مش مستني ولا محتاج حب ولا اهتمام من اي انسان
..
طبعا عرفت مصدر الحب ده مين
مكتوب عنه ان حبه اطيب من الخمر
لو اتمليت بمحبة ربنا هاتكون كأنك سكران
مترنح من كتر الحب
ناسي نفسك من كتر الحب
مش فارق معاك معاملة الناس ليك
مش فارق معاك الإهانات ولا كره الناس
ولا رفضهم ليك وعدم محبتهم
والأكتر من كده انك هاتلاقي نفسك بتحبهم جدا
وعدوك مستعد تموت من اجله
..
يحصل كده ازاي؟؟
اللي بيصاحب حد بيكون قعد معاه شويه الأول وعرفه
وللي بيحب حد بيكون صاحبه كتير وحبه
اقعد مع ربنا كتير واتكلم معاه حتي لو انت مش بتحبه
اعرفه هو مين مش يمكن تحبه؟؟
إديله فرصه بس يعرفك بنفسه
وخلي بالك ان الموضوع هايطول شويه
لأنه مش إنسان يعرفك بنفسه في قعدتين
ده إله غير محدود
ماتستعجلش .. اديله فرصه بس
حتي لو تعبت وحاربت علشان تديله فرصه
صدقني هو يستاهل انك تعمل كده
..
شوف الناس اللي عرفوه وحبوه عملوا إيه
إقرا عبرانيين ١١
سابوا العالم والدنيا طافوا في جلود غنم وماعز
عاشوا في شقوق الأرض .. اللذين لم يكن العالم مستحقاً لهم
..
ماتخفش مش هاتسيب العالم ولا هاتعيش في الشقوق لما تحب ربنا
ربنا بيحترم إرادتك جداااااااا .. ماتخفش .. لكن ده مثال بسيط
موسي قعد معاه ٤٠ يوم بس نزل محدش قدر يبص في وشه من كتر النور اللي طالع منه
من جماله اللي ابرع من كل بني البشر جذب إليه السامريه والمرأه الخاطيه بالطيب وجذب إليه زكا
..
وهاقولك من الآخر
مش هو اللي خلقك
هو بس اللي يقدر يرويك
بيقول ايها العطاش جميعاً هلموا إلي المياه
من يشرب من الماء الذي اعطيه انا لا يعطش
..
الخلاصه
علشان تحب وترتبط وتكون حياتك ناجحه
افتح علاقه حب بينك وبين الله الأول
لما تتملي منه وتلاقي الكبايه بتاعتك بتفيض علي كل الناس
حتي الأعداء والناس اللي بتكرهك .. ساعتها بس فكر في الإرتباط
وهايكون ارتباطك ناجح
غير كده .. ماوعدكش
+++
يا تري موضوعك كمل ولا خلص وانتهي
ولو انت موضوعك خلص وانتهي يا تري جربت تاني
وياتري كمل ولا برضه انتهي
..
انا هاكلم الناس اللي جربت تحب وموضوعها انتهي بألم
وجربت تاني تحب وبرضه موضوعها انتهي بألم اكبر
..
اكيد فكرت كتير مع نفسك ياتري ليه
واكيد وصلت لحاجات معينه بسيطه لكن خليني اساعدك شويه انك تعرف ليه
..
انا طبعاً مش أسامه منير لكن اسمحولي اقولكم
الحب اللي بنشوفه وبنعيشه عباره عن عمله ليها وجهين
ماينفعش تكون عمله ليها وجه واحد ابداً .. مش كده؟
إيه هم الوجهين دول؟
وجه ظاهر ليك وللناس
ووجه خفي عنك وعن الناس
..
الوجه الظاهر ليك وللناس انك بتحب الشخص ده
وعايز تسعده اوي وعايز تضحي بحياتك من أجله
وللأسف الموضوع بيكون حاجه تانيه انت نفسك مش عارفها
بيكون انك انت اللي محتاج من الشخص ده الحب والإهتمام
وهو ده الوجه التاني للحب
..
تجيبله هدايا كتير وتفضل سهران بتفكر فيه
ولو شفته قلبك يدق ويبقي هايقع منك
ولو طلب منك ترمي نفسك في البحر هاترمي
لكن للأسف انت بتعمل كده علشان محتاج للشخص ده
وعايز منه مش عايز تديله بلا مقابل
عملية مقايضه
اثبتلك؟
..
تعالي معايا وتخيل انك في علاقه حب
او لو انت في علاقه حب مش هاتحتاج تتخيل
وكل يوم تتصل بالشخص اللي انت بتحبه
وتهتم بيه كل الإهتمام وهو كمان بيعمل كده معاك
ولو الشخص ده لقيت حبه ليك بعد كده قل تماماً
واهتمامه بيك شبه انعدم ياتري ده هايضايقك
ياتري هايطلع منك الكلام ده؟
انت ليه مابقيتش تهتم بي ولا تتصل بي
انا مابقيتش فارق معاك .. انا اللي بتصل وبهتم بيك علي طول
انت خلاص اتغيرت .. انت بتحب حد تاني
وتبتدي تتنرفز وتتضايق
صح؟؟
..
لأنها عملية مقايضه
بتدي عشان تاخد
بتدي حب علشان تاخد حب لأنك محتاج للحب
وبتدي اهتمام علشان تاخد اهتمام لأنك محتاج للإهتمام
واللي انت ماتعرفوش بقه
ان الشخص التاني
هو كمان
زيك بالظبط
..
هو محتاج بيديلك القليل اللي يقدر عليه علشان يشتري منك حب واهتمام ليه
وانت محتاج بتديله شويه حب واهتمام علشان يشبعك ويغرقك بالحب
انت محتاج لأنك إنسان وهو كمان محتاج .. ماهو إنسان زيك
..
مثال
اتنين ماشيين في الصحرا كل واحد معاه زمزميه ميه بس محدش عارف إيه اللي مع التاني
لكن كل واحد عارف ان اللي معاه شويه صغيرين اووووووي
فكل واحد بيدي التاني من اللي معاه بعشم ان التاني معاه كتير هايرويه ويشبعه
لكن للأسف الإتنين بيخلصوا الميه بتاعتهم ويدوروا علي الميه بره مع حد تاني
ودي اللي بيسميها العالم الخيانة
..
وده السبب في فشل زواجات كتييير جدااااااا
لأن الميه بتاعتهم خلصت علي طول
عارفين ليه؟؟
لأن مش هو ده الحب
..
عايز تعرف إيه هو الحب؟ الحب انك ماتستناش اي حاجه من اللي انت بتحبه
تقدر تعمل كده؟؟
ماتنتظرش منه اهتمام وماتنتظرش منه حب .. تديله حب كتير واهتمام كتير من غير ماتنتظر منه حاجه
طب ازاي احنا كده عندنا مشكلتين
اولا: ادي حب كتير واهتمام كتير ازاي وانا معنديش غير قليل
ثانياً: ازاي ماستناش منه حاجه وانا محتاج وعطشان وجعان
..
الحل
اولا: جرب معايا التجربه دي
هات كبايه فاضيه وهات زجاجه ميه كبييييره
وابتدي املا الكبايه ميه واحده واحده لحد ماتتملي واستمر اكتر
هاتبتدي الكبايه تكب بره .. كمل اكتر هاتكب اكتر ولو الزجاجه دي خلصت
هات واحده تانيه واملا .. البيت هايغرق وماما هاتطردك
)كل البيت هايتملي مش الكبايه بس
تفتكر الكبايه محتاجه ميه؟؟
لا طبعاً
تفتكر الكبايه عندها مشكلها انها تملا البيت كله هو كمان
لا طبعاً
..
يبقي لازم تشوف مصدر حب يملاك لحد ما تكب بره علي الناس حب
وتبقي مليان بالحب وتدي الناس حب
تفتكر هاتكون محتاج لنقطتين الميه اللي عندها او عنده انك ترتوي بيهم
تفتكر هاتبقي منتظرهم من الشخص التاني
ما اعتقدش ابداااااا بالعكس
انت هاتفضل تديله حب حتي لو هو مايستاهلش
وهاتفضل تحبه حتي ولو هو مش بيحبك
حتي لو هو عدوك وبيكرهك
وده سر الإيه اللي بتقول احبوا اعدائكم
وده كمان سر الغفران وده سر التضحيه
انك مليان وشبعان وبتفيض حب علي كل الناس
مش مستني ولا محتاج حب ولا اهتمام من اي انسان
..
طبعا عرفت مصدر الحب ده مين
مكتوب عنه ان حبه اطيب من الخمر
لو اتمليت بمحبة ربنا هاتكون كأنك سكران
مترنح من كتر الحب
ناسي نفسك من كتر الحب
مش فارق معاك معاملة الناس ليك
مش فارق معاك الإهانات ولا كره الناس
ولا رفضهم ليك وعدم محبتهم
والأكتر من كده انك هاتلاقي نفسك بتحبهم جدا
وعدوك مستعد تموت من اجله
..
يحصل كده ازاي؟؟
اللي بيصاحب حد بيكون قعد معاه شويه الأول وعرفه
وللي بيحب حد بيكون صاحبه كتير وحبه
اقعد مع ربنا كتير واتكلم معاه حتي لو انت مش بتحبه
اعرفه هو مين مش يمكن تحبه؟؟
إديله فرصه بس يعرفك بنفسه
وخلي بالك ان الموضوع هايطول شويه
لأنه مش إنسان يعرفك بنفسه في قعدتين
ده إله غير محدود
ماتستعجلش .. اديله فرصه بس
حتي لو تعبت وحاربت علشان تديله فرصه
صدقني هو يستاهل انك تعمل كده
..
شوف الناس اللي عرفوه وحبوه عملوا إيه
إقرا عبرانيين ١١
سابوا العالم والدنيا طافوا في جلود غنم وماعز
عاشوا في شقوق الأرض .. اللذين لم يكن العالم مستحقاً لهم
..
ماتخفش مش هاتسيب العالم ولا هاتعيش في الشقوق لما تحب ربنا
ربنا بيحترم إرادتك جداااااااا .. ماتخفش .. لكن ده مثال بسيط
موسي قعد معاه ٤٠ يوم بس نزل محدش قدر يبص في وشه من كتر النور اللي طالع منه
من جماله اللي ابرع من كل بني البشر جذب إليه السامريه والمرأه الخاطيه بالطيب وجذب إليه زكا
..
وهاقولك من الآخر
مش هو اللي خلقك
هو بس اللي يقدر يرويك
بيقول ايها العطاش جميعاً هلموا إلي المياه
من يشرب من الماء الذي اعطيه انا لا يعطش
..
الخلاصه
علشان تحب وترتبط وتكون حياتك ناجحه
افتح علاقه حب بينك وبين الله الأول
لما تتملي منه وتلاقي الكبايه بتاعتك بتفيض علي كل الناس
حتي الأعداء والناس اللي بتكرهك .. ساعتها بس فكر في الإرتباط
وهايكون ارتباطك ناجح
غير كده .. ماوعدكش
+++
